CRTVG

Buscar

Está pasando

Soben a sete os feridos e morre o quinto atacante

18/08/2017 06:40
Morreu o presunto terrorista ferido en Cambrils nun tiroteo coas forzas policiais, co que son cinco os atacantes mortos. Sete persoas resultaron feridas esta madrugada nesa localidade tarraconense e polo menos unha estaría en estado crítico.

O conselleiro de Interior explicou que -segundo os datos que ten- o enfrontamento entre os atacantes e as forzas de seguridade se producíu
ó envorcar o vehículo dos supostos terroristas na súa fuxida tras saltar policial. Joaquim Forn asegura que se evitou un ataque de maiores consecuencias porque, ademais de armados, os supostos terroristas levaban enriba cintos explosivos.
Os TEDAX traballan para determinar agora se podían ser falsos; en todo caso, realizaron varias explosións controladas.

O Govern di que se pode falar dunha célula preparada para atentar en
Cataluña. E é que di que as investigacións que se están levando a cabo permitirían establecer vínculos entre os presuntos terroristas abatidos en Cambrils, a explosión na madrugada de onte nunha casa da vila tamén tarraconense de Alcanar, e o atropelo masivo de Barcelona.
ler máis

4 presuntos terroristas abatidos en Cambrils tras deixar varios feridos noutro atropelo

18/08/2017 02:50
Catro presuntos terroristas foron abatidos esta madrugada e un quinto
resultou ferido na vila tarranconense de Cambrils, nun tiroteo coas forzas policiais. Un tiroteo que se tería producido logo de que embestiran cun vehículo a varias persoas, deixando algúns feridos: a policía local confirma cinco e non hai constancia, polo momento, de que se producisen vítimas mortais entre os atropelados. Foi no paseo marítimo. Fontes policiais sinalan que os supostos autores deste ataque ían armados e levaban enriba cinturóns explosivos.

Os Mossos d'Esquadra investigan a posible relación co atropelo de
Barcelona, que deixou polo menos 13 mortos e 88 feridos, segundo o último balance oficial, 15 deles graves. Entre as 101 vítimas hai menores, españois e cidadáns doutras 23 nacionalidades. Un ataque que os Mossos vinculan coa explosión que se rexistraba na madrugada de onte nunha vivenda da localidade tarraconense de
Alcanar.

Cambrils está a uns 90 quilómetros de Alcanar e uns 120 da cidade condal.
ler máis

Rajoy chama á unidade para derrotar o terrorismo

18/08/2017 01:42
Mariano Rajoy apela á unidade para vencer ó terrorismo. Así o dixo o xefe do Executivo nunha declaración institucional horas despois do atentado xihadista que deixou polo menos 13 mortos e case un cento de feridos en pleno centro de Barcelona.


Desde a sede da Delegación do Goberno en Cataluña, anunciou que nos próximos días convocará o Pacto Antiterrorista, no que están tódolos partidos,
e confirmou que haberá tres días de loito oficial, sendo hoxe o primeiro.

Rajoy quixo que as súas primeiras palabras fosen de dó e solidariedade coas familias das vítimas e cos feridos que son, dixo, a prioridade do Executivo. E, tras falar co presidente da Generalitat catalá, reiteroulle todo o apoio do Goberno central.
E aproveitou para agradecer o recibido por parte de numerosos mandatarios internacionais.
ler máis

Buscan ó autor do atropelo, hai 2 detidos, e relacionan o atentado coa explosión de Alcanar

18/08/2017 00:43
O autor do atropelo masivo nas Ramblas segue fuxido pero, malia iso,
o responsable da policía autonómica catalá asegura que non se prevé outro ataque terrorista inminente.
Os Mossos d'Esquadra prenderon dous homes pola súa presunta relación coa
preparación do atentado que a pasada tarde deixaba polo menos 13 mortos e máis dun cento de feridos en pleno centro de Barcelona; 15 deses feridos están graves. Os detidos son un melillense e un marroquí.

Josep Lluis Trapero explica que os primeiros pasos da investigación xa lles permiten vincular o ataque da cidade condal coa explosión rexistrada na madrugada de onte nunha vivenda na localidade tarranconense de Alcanar, onde se cre que estaban preparando explosivos con varias bombonas de butano.
A preguntas da prensa, o maior dos Mossos eludíu aclarar se os terroristas precipitaron o
atentado coa furgoneta tralo estoupido, no que morreu unha persoa e varias quedaron feridas.

O xefe da policía autonómica confirmou que abateron a tiros a un condutor, de nacionalidade española, que saltou un control de estradas ferindo a unha sarxento: foi ó final da Diagonal en sentido Llobregat; en principio, non o relacionan co atentado.
ler máis

Puigdemont: "Isto non vai de nacionalidades senón de ameazas á liberdade"

17/08/2017 22:36

Na súa comparecencia logo do atentado de Barcelona, o president da Generalitat deu unha segunda rolda de prensa. Carles Puigdemont fai fincapé en que a prioridade é atender ós feridos e ás familias das vítimas mortais deste atentado. 

ler máis

Continúan pechadas as estacións de metro e tren do centro de Barcelona

17/08/2017 22:18

As estacións de metro e de tren do centro de Barcelona continúan pechadas a causa da operación antiterrorista posta en marcha polo atentado da Rambla, na que mataron 13 persoas e hai 80 feridos. Tamén están pechadas as estacións de Renfe na Praza de Catalunya e o Paseo de Gràcia, así como a estación dos Ferrocarís da Generalitat na Praza de Catalunya. 

ler máis

Dos 80 feridos no atentado, 15 están graves, 23 menos graves e 42, leves

17/08/2017 22:17

Dos 80 feridos que causou hoxe o atentado terrorista nas Ramblas de Cataluña, 15 están graves, 23 menos graves e 42 leves, todos eles atentidos nunha quincena de hospitais e centros médicos. O atentado tamén deixa 80 mortos. 

ler máis

Os servizos sociais de Barcelona atenden de urxencia a familiares

17/08/2017 21:59

O Concello de Barcelona activou os servizos de urxencias sociais de Barcelona para atender a feridos e familiares, segundo o consistorio nun comunicado. O equipo está formado por psicólogos, traballadores sociais e técnicos especializados na atención en crisis. Entre as súas funcións están a atención a persoas en situación de crise social grave e que requiren de atención psicosocial inmediata. 

ler máis

O EI asume a autoría do atentado

17/08/2017 21:35
O grupo terrorista autodenominado Estado Islámico reivindica a autoría do atentado perpetrado este xoves en Barcelona. Faino a través dunha nota difundida pola a súa axencia de noticias, Amaq, segundo o portal de seguimento de información xihadista SITE.
ler máis

Son dous os detidos tralo ataque terrorista

17/08/2017 21:19
O presidente da Generalitat, Carles Puigdemont, a caba de afirmar que son dous os detidos polo atentado de Barcelona.
Así o acaba de subliñar nunha declaración institucional no Palacio do Goberno autonómico tras presidir un gabinete de crise.
Puigdemont confirmou 12 falecidos e uns oitenta ingresados en distintos hospitais, 15 en estado grave.
ler máis

Driss Oukabir, detido polo atentado

17/08/2017 21:02
Hai un detido polo atentado da Rambla de Barcelona. Trátase de Driss Oukabir, un indivíduo que vive en Ripoll, en Girona. É orixinario de Marsella.
ler máis

Filipe VI condena a acción criminal

17/08/2017 20:51
O rei Filipe VI condena o atentado terrorista en Barcelona nunha mensaxe na que chama "asasinos e criminais" aos autores. Na mensaxe, na conta oficial en Twitter da Casa do Rei, o Monarca fai fincapé en que "non nos van a amedrentar".
O Rei escribiu tamén "Toda España é Barcelona. As Ramblas volverán a ser de todos".
ler máis

A Audiencia Nacional abre dilixencias para investigar o masacre

17/08/2017 20:42

A Audiencia Nacional abriu dilixencias para investigar o atentado desta tarde na Cidade Condal. Foi o xuíz Fernando Andreu, en funcións de garda, quen abriu dilixencias previas.
Polo momento, os Mossos d´Esquadra confirmaron unha detención.

ler máis

A Generalitat fala xa de trece vítimas mortais

17/08/2017 20:37
Polo menos trece personas perderon a vida no atentado terrorista perpetrado este xoves na Rambla de Barcelona; unhas cincuenta resultaron feridas na mesma acción criminal. Acaba de confirmalo o conselleiro de Interior da Generalitat, Joaquim Forn, en declaracións a Catalunya Radio.
ler máis

Un ducia de mortos, no atentado de Barcelona

17/08/2017 19:58
Polo menos doce persoas morreron e unha vintena resultaron feridos no atropelo masivo perpetrado nas Ramblas de Barcelona. Con todo, de momento a Generalitat só confirma a existencia dunha vítima mortal.
Unha furgoneta irrompeu na zona central da rambla, dende a praza de Catuña ata a Boquería, un lugar tan céntrico como transitado.
As forzas de seguridade buscan a un ou dous ocupantes do vehículo. Un deles podería terse atrincheirado dentro dun bar. Os Mossos d'Esquadra activaron o dispositivo para casos de atentado terrorista consumado.
ler máis

Encontran en Vic unha segunda furgoneta implicada

17/08/2017 19:39
Unha segunda furgoneta alquilada polos terroristas que perpetraron a acción criminal desta tarde en Barcelona, foi encontrada na localidade barcelonesa de Vic.
ler máis

O atropelo de Barcelona, un atentado terrorista

17/08/2017 19:30
A Policía Autonómica de Cataluña, os mossos d´Esquadra confirmaron esta tarde que o atropelo masivo de Barcelona é un atentado terrorista. Así, activaron o protocolo correspondente nestes casos.
ler máis

Unha furgoneta atropela a varias persoas nas Ramblas

17/08/2017 17:16
Unha furgoneta atropelou esta tarde a varias persoas que paseaban polas Ramblas de Barcelona, segundo acaban de informar os Mossos d´Esquadra.
ler máis

Noruega construirá catro cruceiros en Metalships

17/08/2017 16:29
A armadora norueguesa Nordic Cruise da por feito que construirá catro cruceiros de luxo no estaleiro vigués Metalships.
En conversa coa Radio Galega, o director da compañía explicou que só faltan resolver "detalles" sobre o financiamento, pero asegura que Metalships é aúnica opción que manexan para facer os buques.
Os cruceiros medirían 180 metros de eslora e terían capacidade para 220 pasaxeiros.
ler máis

Os traballadores de Alvedro suspenden o inicio das mobilizacións

17/08/2017 13:22

Os traballadores encargados dos controis de seguridade no aeroporto de Alvedro non pararán este domingo.

ler máis